Hondarribiko Udalak Inauterietako asteburu honetan Puntu Morea jarriko du, bertan indarkeria matxistaren inguruko informazioa eta sentsibilizazioa sustatuko dira.

Hala, ostiralean 19:00etatik 23:00tara Puntu Morea Gipuzkoa plazan egongo da, eta larunbatean, martxoaren 1ean, Arma Plazan egongo da 18:00etatik 22:00tara.

Denontzat seguruak eta gozagarriak izango diren jaien alde egitea guztion ardura da. Ozen adierazi nahi dugu Hondarribian ez dugula inolako eraso matxista eta arrazistarik onartuko.