Prezio publikoak arautzen dituen ordenantza orokorra onartzeko proposamena onartu du Udalbatzak, besteak beste.

Igor Enparan alkateak nabarmendu zuenez, "urriko azken osoko bilkuran gaia aztertu genuen, eta jendaurrean jarri ondoren, martxan jarri nahi genuela esan genuen, eta uste dugu Udalean lan egiteko orduan hobekuntza garrantzitsua izango dela.

Prezio Publikoen Ordenantza Orokorraren helburua da araudi orokorra garatzea eta Hondarribian prezio publikoak eskatzeko eremua eta prozedura ezartzea. Garrantzitsua da aipatzea tributuak, edozein izen dutela ere, tasetan, kontribuzio berezietan eta zergetan sailkatzen direla. Beharrezkoa da esparru arautzaile bat ezartzea, bere garaian Ordenantza Fiskalaren prozeduraren bidez onartu ziren prezio publikoak jasoko dituena, hala nola Etxez Etxeko Laguntza Zerbitzua. Azkenik, zenbait kasu tasatzat hartzen dira prezio publiko gisa ezarri beharko liratekeenean. Adibidez, udal-argitalpenak saltzea edo fotokopiak egitea".

EAJk, EAJk eta EH BILDUk aldeko botoa eman zuten, eta PSE-EE abstenitu egin zen, "hitzaurrean elkartasunaren kontzeptu garrantzitsurik ez zegoelako".

Aldez aurretik, Arma Plaza Fundazioan Maria Serranok uko egin ziola berri eman zen, eta Ander Ribesek ordezkatu zuen.

Gai-zerrendako bosgarren puntuan, aurrera atera zen Hondarribiko zenbait kale asfaltatzeko obren eta urbanizatzeko lan osagarrien proiektua gauzatzeko kontratuaren prezioen salbuespenezko berrikuspena onartzeko proposamena.

Estitxu Urtizberea Hirigintza zinegotziak nabarmendu zuenez, "proiektua egin zuen enpresa esleipendunari 273.536 euro eman nahi zaizkio, kostuak handitu egin direlako, justifikatuta eta udal arkitektoaren oniritziarekin. Igoera hori, neurri handi batean, Europako egoera geopolitikoak eragindako kostuen gorakadaren ondorio da, Ukrainako Gerra kasu. Denok nabaritu ditugu gure poltsikoetan gehikuntzak". ABOTSANITZ, EAJ, PSE-EE eta EH BILDUren babesa jaso zuen proposamenak.