Hondarribiko Eskifaia Abesbatzak antolatu du jaialdia, Hondarribiko Elizaren eta Udalaren laguntzarekin, eta Euskadiko musika sakratuko ziklo zaharrena eta Euskal Herriko garrantzitsuenetako bat da.

Jaialdiaren lau egunetan zehar, musika genero honetan espezializatutako abesbatzen musika sakratuaz gozatu ahal izango dugu. Lehenengo asteburuan, larunbatean, Astigarragako "Eragiyok" gizonezkoen abesbatzaren eta 'Ascèse' abesbatzaren txanda izango da; bigarren asteburuan, berriz, Barañain abesbatzaren emanaldia izango da larunbatean, eta Xatz Eskifaia eta Eskifaia igandean.