2023-09-21
Ostiral iluntzean Bidasoa-Txingudiko hiru hiriak batuko ditu Bidasoa-Txingudi Partzuergoarekin batera antolatutako mugaz gaindiko ekintza honek.
Irailaren 22an, ostirala, Hendaiako Gaztelu Zahar pilotalekuan 21:00etan hasi eta Hondarribiko San Pedro kalea 22:50ak aldera amaituko da.
Hendaia eta Irungo udalerriak zeharkatu ostean Mendelu auzotik sartuko da Hondarribiara. Kosta kalea, Santa Engrazia, Minasoroeta eta Sabin Arana Goiri kaleetatik igaroko da San Pedro kalean amaitzeko.
Ekintza honen helburua hiru hirien arteko joan etorrietarako bizikletaren erabilera sustatzea da, autoaren alternatiba gisa.