“Drogen erabilerari buruzko informazioa elkarrekin bilatzen ikasi dugu, teknologien erabilera egokia eginez eta gerora denon artean, gazteen interesak asetzen saiatu gara, elkarrizketa sustatuz, beraien esperientziak eta iritziak partekatuz... Lan bikaina egin dute bai eta gogoeta oso interesgarri eta sakonak ere” diote zerbitzuko hezitzaileek. “Gertuen dituzten sustantziak; alkohola, tabakoa eta kanabisa badira ere, adizioa sortzen duten gauzen artean, MOBILA, izan da protagonista.”

Babes faktoreak

Gazteei galdegin zaienean, kirolak laguntzen diela adierazi dute, besteak beste; talde lanean, konpromisoa hartzen, aurkaria errespetatzen, pazientzia izaten, auto-kontrola garatzen, sufrimendurako gaitasuna izaten…

Eta arlo honetan helduei zein balio ematen dieten galdetu zaienean hitzez-hitz, honakoa esan dute: janaria eta gauzak erosteko, maitasuna eta laguntza emateko, balioak eta heziketa emateko, errespetua izaten, babesteko, eredu bat izateko, mugak jartzeko…

Hezitzaileen esanetara, gazteak badira ere, oso argi dute zertarako gauden helduok.

Bikain gazteok!