Laburbiraren 2026ko edizioa martxoaren 6an egingo da, Korrikako programazioaren barruan; eta punta-puntako 7 film labur eskainiko ditu aurtengo bildumak.

Besteak beste, Amaia San Sebastianen “Olentzerori eskatu nion” (Donostiako fantasiazko eta beldurrezko astean film labur onenaren EITB saria) edo “Geratzen den hori” (Estatuko film onena ZINEBI jaialdian).

Hauxek, hurrenez hurren, aurtengo edizioan ikusgai izango diren film-laburrak:

• Olentzerori eskatu nion (Amaia San Sebastian Larzabal).
• Erreka zoko hortan (Ekaitz Bertiz).
• Fischy (June Asua Olabarria).
• A-Maniki (Elixabet Nuñez).
• Geratzen den hori (Aitor Gametxo Zabala).
• Orain zer? (Aihnoa Urgoitia).
• Hortzikara (Ane Cuesta).

Otsaila amaieran itxiko da emanaldia antolatzeko izen-emate epea.

Laburbira edozein herritan antolatu daiteke, eta elkarte zein udalen izen-ematea webgunean egin ahal izango da otsaila amaiera arte. Bertan aukeratu dezakete antolatzaileek martxoaren 1etik 29-ra bitartean zein egunetan eta non antolatu nahi duten emanaldia. Horretaz gain, sortzaile eta ikusleen arteko harremana erraztu eta sendotu asmoz, zuzendariekin solasaldiak antolatzeko aukera ere badago proiekzioaren barruan.

Emanaldia antolatzeko izen ematea eta info osagarria: Laburbiraren webgunean.

Informazio erlazionatuta

• Korrikaren egitaraua Hondarribian