Ekimenaren helburua da ekainaren 13an eta 14an Alde Zaharrean egingo den azokaren giroa, kolorea eta berezitasuna irudi bidez jasotzea.

Lehiaketan edonork hartu dezake parte. Parte-hartzaile bakoitzak gehienez lau argazki aurkeztu ahal izango ditu, koloretan edo zuri-beltzean. Lanek 2026ko Erdi Aroko Azokan bertan ateratakoak izan beharko dute, eta aurretik saritu edo argitaratu gabeak.

Argazkiak 20 x 30 zentimetroko tamainan aurkeztu beharko dira, markorik eta euskarririk gabe. Lehiaketaren oinarrietan jasotzen den bezala, irudiek erabilera ez-sexista, inklusiboa eta ez-arrazista bermatu beharko dute, eta pertsonak agertzen diren kasuetan emakumeen eta gizonen presentzia modu orekatuan eta estereotiporik gabe islatu beharko da.

Lanak aurkezteko azken eguna uztailaren 3a izango da, 13:00etan, BAZen.

Hiru sari banatuko dira:

• 1. saria: 500 euro
• 2. saria: 400 euro
• 3. saria: 300 euro

Lehiaketaren xehetasunak esteka honetan kontsulta daitezke.