Euskaraldia 2025

Otsailaren 4ean, 18:30ean, Udaletxeko Areto Nagusian bilera irekia egingo da, Herri Batzordea osatu eta Euskaraldiko ekimenak eta antolakuntza kudeatzeko.

Deialdi ahalik eta zabalena egin nahi genuke. Norbanako, elkarte, eragile… Denek dute zer esana eta zer egina aktibazioan. Hizkuntz ohiturak aldatzea muin, uste dugu lanketa honen eragin biderkatzailea handia izan daitekeela. Euskaraldia baliatu behar dugu harreman berriak sortzeko, ilusioa pizteko, nortasuna sendotzeko. Horretarako gako izango da ondo saretzea eta daukagun indarra ondo kudeatzea.

Udalean argi daukagu Euskaraldia erreminta interesgarria dela herrian bizi dugun egoera iraultzeko.

Animatu zaitez!

Gure herria erdera nagusi duen udalerri euskalduna da, nahiz eta %72,8k euskaraz jakin, bere erabilera oso eskasa delako (%16,3koa 2021ean, %24,6koa 2016an). Hau da, Hondarribiarrok euskaldun sentitzen gara, baina ez dugu euskaraz hitz egiten. A ze panorama gurea! (Hondarribiaren biztanle kopuru antzeko beste herri batzuetan, nahiz egoera globalak berdinak izan, erabilera bikoitza da gutxienez (%30)).

Zeren zein ezberdina litzateke gure herriko errealitatea, zu, zure klasekideak, zure lagunak, zure kuadrilla, zure guraso lagunak, zuek guraso, zu elkartean, zu entrenamenduan, zu parrandan, zu erosketetan, finean, dokumentu hau irakurtzen duen bakoitza bere egunerokoan euskaraz biziko balitz. Hau da, denak EuskaraDUNAK bagina, euskaldunak sentitzeaz gain.

Eta hori da Euskaraoke Herrikoiarekin aktibatu nahi duguna, Hondarribiarrok euskaraz egitea, euskaraldiko egunak euskara erabiltzearen aldeko hizkuntza ohituran aldatzeko mugarri izatea, jakinda norbanakoak egiten duen hori herri oso baten konpromisoa dela. Errazagoa baita euskararen alde lerrokatzea, ondokoa ere horretan ari dela sentituz gero.

Beraz, Euskaraoke Herrikoan parte hartzeak, berekin KONPROMISO hauek dakartza:

• Euskara maitatzeaz gain, erabili egingo dugu. Euskara izango da Euskaraldiko egunetan erabiliko dugun hizkuntza eta Euskaraoke egunean, Madalena Plaza euskararen arnasgune izango da.
• 16 urtetik gorako partaideek Euskaraldiko Ahobizi edo Belarriprest txapa jarria eramango dute.
• 16 urtetik beherako partaideek, xaxatzaile txapa eramango dute.
• Partehartzaile guztiek ekimenerako egindako zapi berezia eramango dute.

Euskaraldia egindako lanaren inguruan hausnartu eta euskararen aldeko lanari jarraipena emateko aukeren inguruan aritzeko

• Noiz: Ekainak 17, Asteartea
• Non: Udaletxeko Areto Nagusian
• Ordua: 18:30
• Izena eman: euskaraldia@hondarribia.eus

Hartu parte!!

Euskaraldian zuen entitateak ere badu lekua!

Euskaraldia euskararen erabilera areagotzeko ariketa soziala da, eta Euskaraldiaren laugarren edizioan ere entitateek bertan parte hartzeko aukera izango duzue. Zuen entitateak euskararen erabileran urratsak eman nahi baditu, hemen duzue aukera ezin hobea euskararen presentzia eta erabilera sustatzeko.

Euskaraldian parte hartuz, entitateak euskararen erabileran urratsak emateko aukera izango du. Bertako kide guztiak, lankideak zein bezeroak, euskara gehiago erabiltzera gonbidatuko ditugu.

Hartu parte!!