Edukira joan
Mostrar/ocultar menú principal de navegación [eu]

Hondarribia

Habiaratutako portletak
Habiaratutako portletak
Web edukia bistaratu

AZKEN BERRIAK

Eduki publikatzailea
Atzealdea

Udalak eta Amuitz Merkatarien Elkarteak Gabonetan herrian kontsumitzeko sentsibilizazio kanpaina jarri dute abian

Udalak eta Amuitz Hondarribiko Merkatarien Elkarteak sentsibilizazio kanpaina jarri dute abian Gabonetan bertako merkataritzan kontsumitu ahal izateko. Aurkezpena gaur egin da San Pedro kalean, eta hantxe izan dira Maria Serrano Merkataritza eta Sustapen Ekonomikorako zinegotzia, eta herriko zenbait merkatari ere.

2020·12·15

Udalak eta Amuitz Hondarribiko Merkatarien Elkarteak sentsibilizazio kanpaina jarri dute abian Gabonetan bertako merkataritzan kontsumitu ahal izateko. Aurkezpena gaur egin da San Pedro kalean, eta hantxe izan dira Maria Serrano Merkataritza eta Sustapen Ekonomikorako zinegotzia, eta herriko zenbait merkatari ere.

“Alde batetik, sare sozialetan mugitzeko sei bideo prestatu ditugu egun hauetan mugituko ditugunak. Konpainia handietan ez erosteko eta herriko saltokietan egiteko beharra gogoratzea da helburua.

Gainera, 'Fan fan fan challenge' lehiaketa jarri dugu martxan. Lehiaketa hori herritarrei zuzenduta dago, Hondarribiko denda batean bideo bat grabatu, fanfanfanchallenge@gmail.com postara bidali eta 1.000 €, 600 €edo 400 €irabazteko lehiaketan parte har dezaten, egun batean Hondarribiko dendetan gastatzeko.

Bideoak abenduaren 29ra arte bidali daitezke. Abenduaren 30ean, Hondarribiko merkatariek osatutako epaimahaiak erabakiko ditu hiru irabazleak, eta egun berean arratsaldez, irabazleei opari-txekeak emango dizkiegu", gaineratu du Serranok.

"Gainera, hilaren 31ra arte zabalik daukagu 'Bono denda' ekimenarekin erosketak egiteko aukera. Bertan, 30 euro erosita, %33 deskontatzen da, baldin eta establezimenduak kanpainan alta emanda badaude. Epea luzatu egin dugu eta bederatzi gehiagok eman dute izena, Hondarribiko 41 dendatan eros baitaitezke orain 18 urtetik gorako pertsona bakoitzarentzako 4 bonuak erabilita".

"Era berean, gogorarazi nahi dut abenduaren 21era arte zabalik dagoela erakusleihoen lehiaketan parte hartu nahi duten merkatarientzako epea".

Ekimen positiboa

Sonia Hercek, Amuitz Hondarribiko Merkatarien Elkartearen izenean, ekimena "oso positibotzat" jo du. Udalarekin bildu ginen, Gabonetako erosketak dinamizatu behar zirela eskatuz, eta kanpaina hau atera da, Bono Dendak taldearekin batera, emaitza ona espero dezagun ".


Web edukia bistaratu

#Hondarribia ez da gelditzen

emakumeen aurkako indarkeriari ez
 
900 840 111
016
UDALTZAINGOA
Deporte en casa
943 11 13 13
BAZ
Deporte en casa
943 11 12 11
GIZARTE ZERBITZUAK
Icono telefono
943 11 12 91
ONLINE TRAMITEAK
Icono web