Edukira joan
Mostrar/ocultar menú principal de navegación [eu]

Hondarribia

Habiaratutako portletak
Web edukia bistaratu

Gaurkotasuna

Gaurkotasunaren xehetasuna

Eduki publikatzailea
Atzealdea

Txingudiko Zerbitzuek otsaila eta martxoko kobrantza bertan behera utziko dute behin-behinekoz

Txingudiko Zerbitzuek erabaki dute bertan behera uztea bai otsaileko kontsumoei zegozkien ur eta hondakinen ordainagirien kobrantza, apirilaren 1ean egitekoak zirenak, bai martxoko fakturazioa ere.

2020·03·23


Txingudiko Zerbitzuek erabaki dute bertan behera uztea bai otsaileko kontsumoei zegozkien ur eta hondakinen ordainagirien kobrantza, apirilaren 1ean egitekoak zirenak, bai martxoko fakturazioa ere.

“Erabaki honen helburua da COVID-19ko osasun-krisiak tokiko ekonomian eragin ditzakeen ondorioak arintzea, bereziki familia kalteberei eta merkataritza- eta ostalaritza-jarduerei dagokienez” esan du Txomin Sagarzazu Alkateak, eta Txingudiko Zerbitzuetako Mankomunitateko presidenteordeak.

Beraz, Txingudiko Zerbitzuaketik azterketa- eta hausnarketa-aldi bat ireki da geroratutako faktura horien kobrantzari buruzko behin betiko neurriak hartzeko. Horretarako, Mankomunitatearen hurrengo batzarrean ordenantza fiskalak aldatzea eskatuko dela uste da. Batzar hori apirilaren bigarren hamabostaldian egitea aurreikusten da, eta gehiengoen eta izapidetze-prozedura baten mende egongo da behin betiko erabakia hartzen denetik.

Beraz, bien bitartean, otsaileko kontsumoen ordainagiria kobratzea eta martxoko faktura bertan behera geratuko dira, Mankomunitateko Batzarrak behin betiko erabakia hartu arte.