Jarduera eta Ekitaldien agenda osoa

• Hondarribiko Udalaren Euskara zerbitzuak eta herriko hiru ikastetxeek sustatu dute egitasmoa Euskaltzaleen Topagunearekin batera.
• Ekimenak familian, eta bereziki etxe barruko giroan euskararen erabileraren gaineko hausnarketa egiteko aukera ematen du.
• Bigarren edizioa da aurtengoa, eta oraingoan 102 familiek hartu dute parte.

Asteazken honetan, abenduaren 11n emango zaio amaiera Euskararen Kriseiluak Hondarribian egin duen aurtengo ibilbideari. 17:30ean hasiko da ekitaldia Itsas Etxean. Guztira 102 familiek hartu dute parte urriaren hasieratik, astero Euskararen Kriseiluaren sua bizirik mantenduz.

Hizkuntza ohiturak aldatzea helburu duen egitasmo hau Hondarribiko Udalaren Euskara zerbitzuak eta Ama Guadalupekoa, Egiluze eta Talaia ikastetxeek sustatu dute, Euskaltzaleen Topagunearekin batera.

4 eta 8 urte arteko haurrak dituzten familiei zuzenduriko ekimen hau, urrian hasi zen martxan, kriseilua etxean zaintzeko aste beteko txandak eginez. Euskararen sua piztuta mantentzeko konpromezuarekin batera, etxeko hizkuntza ohituren inguruko hausnarketa egiteko aukera ematen du proiektuak, kriseilua.eus webguneko galdetegiaren bidez.