Gaurkotasuna

Atzealdea

Euskal balezaleek 1616an Islandian izandako triskantza ostegunean Kultur Etxean

400 urte bete dira euskal arrantzaleek Islandian izandako tragediaz. Ostegunean 19:30ean dokumentala eta hitzaldia egongo da gaiaren inguruan.

2017·01·24


Ostegun arratsaldean, Alde Zaharreko Kultur Etxean XVII. mendeko arrantzale euskaldunek Islandiako uretan baleak harrapatzen bizitu izan zituztenak gogora ekarri nahi duen dokumental eta hitzaldia izango dugu. Hitzordua arratsaldeko 19:30ean izango da eta jatorrizko hizkuntza euskara eta ingelesa izango dira, azpitituluekin.

Konkretuki, “Euskal balezaleen triskantza’ Gogoan ekoiztetxeak eta SUHAR arkeologiak elkarlanean aurkezten duten proiektu bat da, duela 400 urte Islandian erahilak izan ziren 32 euskal bale arrantzaleen istorioaren oroitzapena eta zabalkundea jorratu nahi dituena.

Nortzu ziren balezale hauek? non daude hondoraturik haien ontziak? Nola bizi izan zituzten azken egunak erasotzaileengandik ihesi? Haiek eginiko azken ibilbidea berreginez, datu historikoak aztertuz, eta ontzien bilaketarako urpeko miaketen bidez, galdera hauei erantzuna ematen saiatuko gara.

1615-eko udaran, Agirreko Pedro, Telleriko Esteban eta Villafrancako Martinen agindupean, hiru euskal baleuntzi Islandiako kostan lehorreratu ziren. Martin zen, 27 urterekin, kapitain gazteena eta gazte izanagatik ahoberoena. Honez gain, ezagunak ziren baita ere bere ausardi eta ehizerako trebezia.

Bueltako bidaiari ekitera zioazela, itsaso zakarrak euskal baleontziak ondoratu zituen, uda bitartean ehiza oparoak bertako nekazari eta abeltzainekin hartu emana gailendu zuen arren udazkenak hotza ekarri zuen, hotzak gosea eta goseak bertakoekin liskarrak: elkar truke egitetik elkar lapurtzera pasa ziren marinel nahiz artzaiak eta negua iritsi baino lehen abentura tragedia bihurtu zen.

Euskaldunen triskantza duela ia laurehun urte jazo zen hilketa ikertzea helburu duen dokumentala da. Txuri eta beltzik gabeko istorio bat, txuria esateko hamaika hitz dituen herrian.

Informazio gehiagorako, https://balezaleak.com/ begiratu.