Edukira joan
Mostrar/ocultar menú principal de navegación [eu]

Hondarribia

Habiaratutako portletak
Web edukia bistaratu
Habiaratutako portletak
Web edukia bistaratu

Gaurkotasuna

Gaurkotasunaren xehetasuna

Eduki publikatzailea
Atzealdea

Osasun hezkuntza lehen hezkuntzara zabaldurik

Urteetan Hondarribiko eskoletan ezarrita dauden Osasun Hezkuntza Programak lehen hezkuntzako hirugarren ziklora zabaltzen hasi da Prebentzio Komunitariko Udal Zerbitzua

2020·11·23


 

Urteak daramatza Prebentzio Komunitarioa Osasun Hezkuntzako programak herriko ikastetxeetan garatzen. Orain artean DBH eta Batxilergoko geletan garatzen baziren ere, hilabete honetan estreinakoz lehen hezkuntzako ikasleriarekin lanean hasi da hezitzaile taldea. Ama Guadalupekoa eta Egiluze ikastetxeetan hasi dira jada saioak eta ikasturtean zehar Talaiatik ere pasako dira.

Saio hauen helburu nagusia Bizitzarako trebetasunak indartzea da. Metodologia aktiboaren bitartez (jolasak) norbere burua ezagutu, enpatia, emozio eta sentimenduak identifikatu eta komunikazio asertiboa landuz.

Trebetasun hauek berez babes faktore dira eta hauek eskuratzeko denbora, umorea eta praktika beharrezkoak direla badakigu. Lehen Hezkuntzako azken ziklora ireki izanaren arrazoietako bat hau da; Bigaren Hezkuntzara heltzean Prebentzio Komunitarioko Hezitzaileok ezagutzen gaituzte, oinarria landuta dagoelarik.

Gazteen iritziak

Bestalde, Osasun programetako arduradunaren esanetan, “Covid-19 gaixotasuna dela eta, itxialdia agertu da gure eguneroko bizitzan balizko aukera bezala. Lehenak horrelako egoera bat aurreikusi gabe harrapatu gintuen. Orain, esperientzia horren ondoren antolatu eta egokitu behar dugu itxialdi gertagarri berri baten aurrean.

Horretarako Prebentzio Komunitarioko Udal Zerbitzuko langileok gazteen iritzia behar dugu ezer martxan jarri baino lehen eta horregatik aste honetan batxilergoko ikasleekin gai honi buruz hitz egiteko elkartuko gara. Besteak beste; itxialdian nola sentitu ziren, egoera horretan ezer ikasi zuten, hobeto sentitzen zerk eta nork lagundu zituen eta guri dagokigunez, berriro etxean gelditu behar balute zertan lagundu diezaiekegun ezagutzeko.”