Gaurkotasuna
Atzealdea

'Dantza' filmea bihar Itsas Etxean, Telmo Esnal eta Juan Antonio Urbeltz-en partehartzearekin

Larunbatean arratsaldeko 20:00etan Itsas Etxea Auditoriumean ‘Dantza’ filmea eskainiko da. Haseran, filmea aurkezteko Telmo Esnal zuzendaria eta Juan Antonio Urbeltz filmeko koreografoa eta euskal antropologo eta folklorista ezaguna ariko dira. Filmearen amaieran solasaldi bat egongo da biekin. Sarrerak 4 eurotan saltzen dira ohiko bideetatik.

2019·02·08


Larunbatean arratsaldeko 20:00etan Itsas Etxea Auditoriumean ‘Dantza’ filmea eskainiko da. Haseran, filmea aurkezteko Telmo Esnal zuzendaria eta Juan Antonio Urbeltz filmeko koreografoa eta euskal antropologo eta folklorista ezaguna ariko dira. Filmearen amaieran solasaldi bat egongo da biekin. Sarrerak 4 eurotan saltzen dira ohiko bideetatik.

Ekaitza lehertu da landako lan egun gogor baten ondoren. Atertu duenean, bizitza erne da lehen agor zen lurretik. Fruitu bat hazi eta heldu da, bizirik eutsi die izurrien erasoei, eta sagardoaren bizigai izango den sagar bihurtu da. Orduan, uzta ospatzeko tenorea da, topa egitekoa eta maitasunaren festan murgiltzekoa. 

Bizitzaren zikloari buruzko istorio bat, bizirik irauteko borrokarena. Horretan, denboraren iragatea naturaren ibilbideak markatuko du. Eta dantza da hori kontatzeko hautatutako hizkuntza. Musikak eguneroko zereginei lagunduko die. Bizitza erritmoa da! 

Gai unibertsalak, hemen sinbologia berezi batez jantziak. Dantza tradizionalen unibertso hipnotikoari dagokiona. Tradizioari, lurrari, haren jendeari, mitoei eta ohiturei egindako kantu poetiko bat. Izatearen mirariari buruzko kontaketa bat.